Persónuverndarstefna
Síðast uppfært: 21.10.2026.
Hver við erum
Félagið Nóbel námsbúðir ehf. er ábyrgðaraðili þeirra persónuupplýsinga sem lýst er í þessari stefnu.
Kennitala okkar er 671212-1420 og heimilisfang okkar er Mýrargata 29, 101 Reykjavík, Ísland.
Sendu tölvupóst á personuvernd@nobel.is, hringdu í +354 662 8882 eða skrifaðu okkur á heimilisfangið hér að ofan ef þú hefur spurningar um persónuvernd eða vilt neyta réttinda þinna.
Þessi stefna tekur til vefsíðu okkar, vefverslunar, vara, aðganga og annarra samskipta við þig.
Shopify sér fyrir tækninni sem vefverslun okkar byggist á, þar á meðal tengdu efni, virkni, verkfærum og þjónustu.
Þessi stefna lýsir því hvernig við söfnum, notum og miðlum persónuupplýsingum þegar þú heimsækir okkur, kaupir af okkur eða átt önnur samskipti við okkur; hún gengur framar þjónustuskilmálum okkar um meðferð persónuupplýsinga.
Vinsamlegast lestu þessa stefnu vandlega. Með notkun þjónustunnar staðfestir þú að þér hafi verið kynnt þessi lýsing á meðferð upplýsinga; notkun vefsíðunnar eða kaup á vöru fela ekki ein og sér í sér samþykki fyrir valfrjálsri markaðssetningu eða rakningu.
Hvaða upplýsingum við söfnum og hvaðan þær koma
Persónuupplýsingar eru upplýsingar sem auðkenna einstakling eða sem með sanngjörnum hætti má tengja við hann, þar á meðal ályktanir sem dregnar eru um hann; annað gildir um upplýsingar sem hafa verið gerðar ópersónugreinanlegar þannig að ekki sé með sanngjörnum hætti hægt að tengja þær aftur við einstakling.
Eftir því hvernig þú átt samskipti við okkur vinnum við með samskiptaupplýsingar, svo sem nafn, netfang, símanúmer, land og heimilisfang greiðanda, og heimilisfang viðtakanda ef vara krefst þess.
Greiðsluaðilar vinna með þær korta-, bankareiknings- og aðrar fjárhagsupplýsingar sem þarf fyrir þann greiðslumáta sem þú velur; í pöntunum okkar og reikningum eru meðal annars verð, greiðslumáti og staða greiðslu, færslutilvísanir, staðfestingar og endurgreiðslur.
Aðgangsupplýsingar eru meðal annars viðskiptavina- og innskráningarauðkenni þín, kjörstillingar og stillingar; Shopify annast auðkenningu fyrir aðganga viðskiptavina okkar.
Færsluupplýsingar eru meðal annars upplýsingar um vörur sem þú skoðar, setur í körfu eða á óskalista (þar sem hann er í boði), kaupir, skilar, skiptir eða hættir við að kaupa, ásamt kaupsögu og upplýsingum um aðgang að vörum.
Við vinnum einnig með upplýsingar sem þú sendir í aðstoðarbeiðnum eða öðrum samskiptum, upplýsingar um tæki, vafra og nettengingu, IP-tölur og önnur auðkenni og upplýsingar um hvernig og hvenær þú notar vefsíðuna og vörur okkar.
Þú veitir upplýsingar beint þegar þú kaupir, stofnar eða notar aðgang, gerist áskrifandi, óskar eftir aðstoð eða átt önnur samskipti við okkur; tæknilegar upplýsingar koma einnig frá tækinu þínu, vafrakökum og sambærilegri tækni.
Þjónustuaðilar okkar og samstarfsaðilar veita upplýsingar sem þarf vegna greiðslna, afhendingar vara, innskráningar, varna gegn svikum og þeirra samskipta við auglýsingar og samfélagsmiðla sem lýst er hér að neðan.
Við öflum ekki samskiptalista frá þriðju aðilum og sameinum ekki viðskiptavini okkar við viðskiptavini annars félags í markaðsskyni.
Hvers vegna við notum upplýsingar
Til að gera og efna samning okkar við þig notum við þær upplýsingar sem þarf til að vinna úr greiðslum og afgreiða pantanir, veita aðgang að vörum og afhenda þær, halda utan um aðganga, afgreiða skil og endurgreiðslur og senda nauðsynleg skilaboð um vörur, pantanir og aðganga (sbr. b-lið 1. mgr. 6. gr. almennu persónuverndarreglugerðarinnar).
Við notum upplýsingar um pantanir, aðganga og notkun til að muna kjörstillingar, styðja við umsagnir þar sem þær eru í boði, mæla með viðeigandi vörum og bæta vefsíðuna og vörurnar; valfrjáls rakning fylgir því vali sem lýst er hér að neðan.
Vegna nauðsynlegrar þjónustu við viðskiptavini, öryggis aðganga, varna gegn svikum, umsýslu þjónustunnar og þess að stofna eða verja réttarkröfur byggjum við á lögmætum hagsmunum okkar þegar réttindi þín vega ekki þyngra (sbr. f-lið 1. mgr. 6. gr. almennu persónuverndarreglugerðarinnar).
Við vinnum með gögn sem þarf til að uppfylla skyldur vegna bókhalds, skatta og annarra laga og bregðast við gildum lagalegum kröfum (sbr. c-lið 1. mgr. 6. gr. almennu persónuverndarreglugerðarinnar); aðrar réttarkröfur eða rannsóknir eru afgreiddar á grundvelli viðeigandi lagaskyldu eða lögmætra hagsmuna okkar.
Samþykki er grundvöllur miðlunar viðskiptavinalista í auglýsingaskyni og valfrjálsrar rakningar þar sem þess er krafist (sbr. a-lið 1. mgr. 6. gr. almennu persónuverndarreglugerðarinnar); sérstakar reglur um markaðspóst koma fram hér að neðan.
Sumar upplýsingar þarf til að ljúka kaupum, veita aðgang eða fara að lögum; ef þú veitir þær ekki getum við hugsanlega ekki afhent þá vöru eða veitt þá þjónustu sem þú óskar eftir.
Val um valfrjálsa markaðssetningu breytir ekki verði vöru eða rétti þínum til að kaupa.
Aðgangur að vörum og reikningar
Course Access-appið okkar sýnir leiðbeiningar um aðgang á síðunni sem birtist eftir kaup og á stöðusíðu pöntunar og sumar pöntunartilkynningar sýna samsvarandi tengla; appið sjálft sendir enga tölvupósta.
Vegna námskeiða sem fara fram á Tevello notum við upplýsingar um skráningu, aðgang og námsvirkni til að veita það efni og þá virkni sem lofað er.
Ef námskeið felur í sér beint streymi, staðkennslu eða sérstakan Facebook-hóp koma fyrirkomulagið og viðkomandi miðill fram í lýsingu þess og leiðbeiningum um aðgang.
Reiturinn Kennitala eða fyrirtæki er valfrjáls: við notum það sem þú slærð inn eingöngu til að sýna fyrirtæki eða kennitölu á Sufio-reikningnum að þinni ósk.
Við notum reitinn ekki til að álykta um aldur þinn, fæðingardag eða aðra eiginleika og ekki fyrir markaðssetningu, skiptingu í hópa eða sendingu upplýsinga í auglýsingaskyni.
Markaðspóstur og fréttabréf
Markaðspóstur. Við sendum þér tölvupóst með fréttum og tilboðum um vörur Nóbel námsbúða ehf. ef þú skráir þig fyrir honum, til dæmis með reitnum við kaup. Í sumum löndum, þar á meðal á Íslandi, er þegar hakað í reitinn þegar þú kaupir vöru: þar sendum við þér póst sem núverandi viðskiptavini nema þú takir hakið úr reitnum, eins og 2. mgr. 94. gr. laga nr. 70/2022 um fjarskipti og sambærilegar reglur í þínu landi heimila. Annars staðar sendum við þér aðeins póst ef þú hakar í reitinn eða skráir þig, á grundvelli samþykkis þíns (sbr. a-lið 1. mgr. 6. gr. almennu persónuverndarreglugerðarinnar). Við veljum hvaða póst við sendum þér út frá því hvaða vörur þú hefur keypt og hvenær, eins og lýst er í kaflanum „Viðskiptavinalistar í auglýsingaskyni“; það byggist á lögmætum hagsmunum okkar af því að senda þér viðeigandi póst (sbr. f-lið 1. mgr. 6. gr. almennu persónuverndarreglugerðarinnar). Þú getur afskráð þig hvenær sem er með tenglinum í hverjum pósti eða á síðunni Minn aðgangur, og þú getur hvenær sem er andmælt beinni markaðssetningu með pósti á personuvernd@nobel.is. Hafir þú keypt af okkur hættum við að senda þér slíkan póst þegar fimm ár eru liðin frá síðustu kaupum þínum.
Fréttabréf. Ef þú gerist áskrifandi að fréttabréfinu okkar á vefnum án þess að kaupa sendum við þér tölvupóst með fréttum og tilboðum um vörur okkar á grundvelli samþykkis þíns (sbr. a-lið 1. mgr. 6. gr. almennu persónuverndarreglugerðarinnar og 1. mgr. 94. gr. laga nr. 70/2022 um fjarskipti). Aldrei er hakað fyrir fram í reitinn við skráningu. Við merkjum við upplýsingar um þig sem viðskiptavin að þú hafir skráð þig með fréttabréfsforminu og skráningin setur þig ekki á viðskiptavinalista okkar í auglýsingaskyni og við metum ekkert um þig út frá skráningunni einni saman. Þú getur afskráð þig hvenær sem er með tenglinum í hverjum pósti.
Við hættum að senda kaupendum markaðspóst þegar fimm ár eru liðin frá síðustu pöntun; hjá áskrifanda að fréttabréfi sem hefur ekki keypt notum við fimm ár frá síðasta skráða afdráttarlausa samþykki fyrir fréttabréfinu, meðan áskriftin er virk og hægt er að sýna fram á uppruna hennar og dagsetningu.
Opnun tölvupósts, merki og stofnun viðskiptavinaskrár hefja tímabilið ekki að nýju og afskráning eða andmæli taka gildi fyrr.
Athuganir á áskrift og útilokun frá sendingum eiga einnig við um sjálfvirkan markaðspóst vegna ólokinna kaupa eða aðra sjálfvirka markaðspósta; tilkynningar um pantanir, reikninga og aðganga eru aðskildar frá þeim og innihalda enga kynningu.
Skráning í fréttabréf heimilar ekki miðlun viðskiptavinalista, rakningu á vefnum eða SMS-markaðssetningu; við notum ekki SMS-markaðssetningu í þessu fyrirkomulagi.
Viðskiptavinalistar í auglýsingaskyni
Þegar þú hakar við „Sýna mér viðeigandi fréttir og tilboð í auglýsingum“ eftir kaup, eða kveikir á því á síðunni Minn aðgangur, samþykkir þú eftirfarandi: „Við setjum kaup- og samskiptaupplýsingar þínar á viðskiptavinalista sem við deilum með Meta, Google og LinkedIn til að sýna þér og öðrum viðeigandi fréttir og tilboð í auglýsingum.“ Með „við“ er átt við Nóbel námsbúðir ehf. Samskiptaupplýsingar þínar eru netfang, símanúmer, fornafn og eftirnafn, staður, ríki eða svæði, póstnúmer og land. Kaupupplýsingar þínar eru viðskiptavinanúmer þitt í vefversluninni, heildarupphæð kaupa þinna hjá okkur og hvaða vörur þú hefur keypt (við sendum aðskilda lista, t.d. yfir alla sem hafa keypt tiltekna vöru). Samstarfsaðilar okkar eru Meta (Facebook og Instagram), Google (m.a. leit og YouTube) og LinkedIn. Hver samstarfsaðili fær aðeins þær upplýsingar sem hér eru taldar: Meta allar; Google netfang, símanúmer, nafn, póstnúmer og land; og LinkedIn netfang, fornafn, eftirnafn og land. Auk þess sér hver samstarfsaðili á hvaða listum okkar þú ert. Við sendum hvorki kennitölu þína, greiðsluupplýsingar né reikninga í þessum tilgangi.
Í framkvæmd notum við listana til að:
- sýna þér auglýsingar okkar á miðlum samstarfsaðila okkar;
- sleppa því að sýna þér auglýsingar sem eiga ekki lengur við, t.d. um vörur sem þú hefur þegar keypt. Samsvörun tekst ekki alltaf, til dæmis ef þú notar annað netfang hjá viðkomandi miðli, svo þú gætir samt séð sumar þessara auglýsinga;
- finna nýtt fólk sem líkist viðskiptavinum okkar (e. lookalike audiences); þar notar Meta einnig upphæð kaupa til að gefa viðskiptavinum sem kaupa meira aukið vægi;
- leyfa sjálfvirkri markhópamiðun samstarfsaðila okkar að nota listana okkar sem upphafspunkt til að finna rétta fólkið.
Við ákveðum á hvaða listum okkar þú ert út frá því hvaða vörur þú hefur keypt og hvenær. Þetta er gerð persónusniðs í markaðsskyni. Út frá dagsettum kaupum á námskeiðum metum við einnig, til dæmis, á hvaða námsári, í hvaða deild eða á hvaða misseri þú ert líklega, svo að auglýsingarnar og tölvupóstarnir sem þú sérð hæfi stöðu þinni í náminu. Við notum engar viðkvæmar persónuupplýsingar í þessu skyni. Þessi flokkun og þetta mat hafa hvorki réttaráhrif á þig né snerta þig á sambærilegan hátt að verulegu leyti. Þú getur hvenær sem er andmælt þessari notkun, og beinni markaðssetningu almennt, með pósti á personuvernd@nobel.is; þá hættum við allri beinni markaðssetningu gagnvart þér.
Vinnslan byggist á samþykki þínu (sbr. a-lið 1. mgr. 6. gr. almennu persónuverndarreglugerðarinnar, sbr. lög nr. 90/2018). Það er valfrjálst og hefur engin áhrif á kaup, verð eða aðgang þinn að vörum, og það gildir um síðari kaup þar til þú breytir því. Í hvert sinn sem þú kaupir aftur af okkur sýnir síðan sem birtist eftir kaupin núverandi val þitt, svo að þú getir líka breytt því þar.
Við sendum listana úr vefversluninni okkar: með Syncmatic-appinu til Meta og Google, en handvirkt til LinkedIn. Þýska fyrirtækið AC App-Commerce UG (haftungsbeschränkt) rekur Syncmatic og vinnur með upplýsingar um viðskiptavini okkar fyrir okkar hönd til að útbúa og senda listana. Syncmatic tætir netföng og símanúmer fyrir Meta og Google. Þegar við sendum viðskiptavinalista til LinkedIn tætir Campaign Manager netföngin; fornafn, eftirnafn og land eru áfram á læsilegu formi. Aðrar upplýsingar eru ýmist tættar eða sendar óbreyttar, eftir sniði hvers samstarfsaðila: Meta fær viðskiptavinanúmer og upphæð kaupa ótætt, og Google póstnúmer og land, og LinkedIn fornafn, eftirnafn og land. Hver samstarfsaðili ber upplýsingarnar saman við eigin notendur og notar aðeins samsvaranir. Sendingin sjálf er dulkóðuð. Tætingin dylur upplýsingarnar sjálfar en gerir þær ekki nafnlausar, enda er það einmitt þannig sem hver samstarfsaðili ber kennsl á eigin notendur. Þetta eru samstarfsaðilarnir sem val okkar um miðlun viðskiptavinalista nær til; sending krefst samþykkis þíns og þess að þú uppfyllir skilyrði.
Við erum ábyrgðaraðili við val á viðskiptavinum, öflun vals þíns og miðlun lista okkar. Samkvæmt skilmálum miðlanna eru Meta og Google vinnsluaðilar við samsvörun lista samkvæmt fyrirmælum okkar, en samkvæmt skilmálum LinkedIn fyrir auglýsingavörur þess, þar á meðal viðskiptavinalista og Insight Tag, er LinkedIn sjálfstæður ábyrgðaraðili þeirra gagna sem það tekur við. Hver miðill er einnig ábyrgðaraðili þeirrar vinnslu sem hann ákveður vegna eigin þjónustu. Ef um sameiginlega ábyrgð er að ræða nær hún til þeirrar tilteknu vinnslu sem er ákveðin sameiginlega en ekki til allrar síðari vinnslu miðilsins. Hver samstarfsaðili vinnur einnig með gögn samkvæmt eigin skilmálum og persónuverndarstefnu: Meta, Google og LinkedIn. Þú getur neytt réttinda þinna gagnvart okkur eða viðkomandi samstarfsaðila.
Meta, Google og LinkedIn geta flutt gögn til Bandaríkjanna. Bandarísk móðurfélög þeirra eru vottuð samkvæmt gagnaverndarramma ESB og Bandaríkjanna (e. EU–US Data Privacy Framework). Framkvæmdastjórn ESB telur rammann veita fullnægjandi vernd og hann gildir hér á landi samkvæmt EES-samningnum. Falli ramminn úr gildi þarf aðrar verndarráðstafanir við þennan flutning, t.d. stöðluð samningsákvæði framkvæmdastjórnarinnar, og þá uppfærum við þessa stefnu. Innan EES eru samningsaðilar okkar Meta Platforms Ireland Limited, Google Ireland Limited og LinkedIn Ireland Unlimited Company. Vinnsla Syncmatic í Bandaríkjunum byggist á þeim verndarráðstöfunum sem koma fram í viðaukum þess frá 11. október 2026, sem voru samþykktir fyrir félagið okkar 12. október 2026: gagnaverndarramma ESB og Bandaríkjanna (e. EU–US Data Privacy Framework) fyrir þá þjónustuaðila sem taka þátt í honum og stöðluðum samningsákvæðum þar sem við á. Syncmatic sjálft segist ekki vottað samkvæmt þeim ramma. Þú getur óskað eftir upplýsingum um þessar verndarráðstafanir með pósti á personuvernd@nobel.is.
Þú getur afturkallað samþykkið hvenær sem er með því að slökkva á því á síðunni Minn aðgangur eða senda póst á personuvernd@nobel.is. Við tökum þig strax af listunum okkar og samstarfsaðilarnir taka þig af markhópum sínum þegar listarnir eru næst uppfærðir. Listar sem eru samstilltir sjálfvirkt eru að jafnaði uppfærðir daglega, en það getur tekið lengri tíma að taka þig af þeim, t.d. meðan samstarfsaðili er enn að vinna úr fyrri uppfærslu; listar sem við sendum handvirkt eru uppfærðir innan 7 daga. Afturköllun hefur ekki áhrif á lögmæti miðlunar sem fór fram fyrir hana.
Þetta val er óháð markaðspósti og vafrakökum. Ef þú samþykkir vafrakökur tengdar markaðssetningu fá samstarfsaðilar okkar einnig upplýsingar um heimsóknir þínar og kaup á vefnum okkar, og stundum samskiptaupplýsingar þínar, eins og lýst er í kaflanum „Vafrakökur og rakning á vefnum“. Það setur þig ekki á viðskiptavinalista okkar.
Við tökum þig aðeins með á þessa lista ef þú hefur keypt af okkur á síðustu fimm árum. Við geymum núverandi val þitt og feril breytinga á því (hvert gildi, hvenær og hvar þú valdir og útgáfu orðalagsins sem þú sást) með upplýsingum um þig sem viðskiptavin, svo að við getum sýnt fram á hvað þú samþykktir og hvenær.
Tæknilegar atburðaskrár
Þegar reiturinn um auglýsingar birtist á síðunni sem kemur eftir kaup, eða á síðunni Minn aðgangur, tengist hann netþjóni sem móðurfélag okkar, Abjarna ehf., rekur fyrir okkur hjá Microsoft Azure. Eins og á við um alla vefi fær netþjónninn IP-tölu þína og upplýsingar um vafrann. Við geymum hvorki IP-töluna í heild, staðsetningu þína né upplýsingar um vafrann, og við eyðum þessum atburðaskrám eftir 30 daga. Við notum þær eingöngu til að halda þjónustunni gangandi og öruggri, á grundvelli lögmætra hagsmuna okkar (sbr. f-lið 1. mgr. 6. gr. almennu persónuverndarreglugerðarinnar), og aldrei í auglýsingaskyni. Abjarna ehf. rekur einnig netþjóna okkar fyrir rakningu á vefnum og notar Stape Europe OÜ sem undirvinnsluaðila, ásamt þeim hýsingar- og efnisdreifingaraðilum sem taldir eru upp í viðeigandi vinnsluskilmálum. Atburðaskrár þeirra um rakningarbeiðnir eru aðskildar frá tæknilegum atburðaskrám appsins fyrir samþykki fyrir miðlun í auglýsingaskyni og fylgja þeim tímabilum sem fram koma undir „Vafrakökur og rakning á vefnum“.
Vafrakökur og rakning á vefnum
Við notum Cookiebot til að biðja um val þitt um vafrakökur og sambærilega tækni. Nauðsynlegar vafrakökur styðja við grunnvirkni vefsins. Þú getur breytt vali þínu eða afturkallað það í Vafrakökustillingum í síðufætinum. Sum gögn í geymslu vafrans eru skráð af þema vefsins, Shopify og Stape áður en þú velur; í Vafrakökustillingum getur þú skoðað lýsingar á þessum færslum og hvenær þær eru fjarlægðar.
Tölfræðiupplýsingar. Google Analytics mælir heimsóknir, vörur sem eru skoðaðar og kaup. Ef þú hafnar tölfræðiupplýsingum getur samþykkisstilling Google (e. consent mode) samt sent takmörkuð mælingamerki án vafrakakna tengdra tölfræðiupplýsingum. Þessi merki hjálpa Google að áætla árangur vefsins og auglýsinga okkar. Þau fela ekki í sér loforð um að engar upplýsingar séu sendar eða að allar tölfræðiupplýsingar séu án persónugreiningar.
Við leyfum Google einnig, sem sjálfstæðum ábyrgðaraðila, að nota gögn tengd tölfræðiupplýsingum til að bæta vörur sínar og þjónustu, þar á meðal auglýsingakerfi. Sjá hvernig Google notar Analytics-gögn sem er deilt með því.
Markaðssetning. Ef þú samþykkir vafrakökur tengdar markaðssetningu fá Meta, Google og LinkedIn upplýsingar um heimsóknir þínar, vörur sem þú skoðar og kaup til að bera kennsl á gesti, mæla árangur auglýsinga okkar og sýna þér og öðrum auglýsingar okkar. Google signals og samsvörunarvirkni samstarfsaðilanna geta tengt virkni við upplýsingar sem þeir hafa þegar.
Þegar upplýsingar um þig eru þekktar, til dæmis eftir innskráningu eða við kaup, fær Meta netfang, símanúmer, fornafn og eftirnafn, stað, ríki eða svæði, póstnúmer, land og viðskiptavinanúmer, eftir því sem tiltækt er. Samskiptaupplýsingar sem Meta notar til samsvörunar eru tættar áður en þær eru sendar, en IP-tala, upplýsingar um vafrann og atburðaupplýsingar eru einnig sendar. Við kaup notar Google netfang, símanúmer, nafn og heimilisfangsupplýsingar þínar, þar á meðal heimilisfang, stað, ríki eða svæði, póstnúmer og land, eftir því sem tiltækt er, til samsvörunar með virkni sinni fyrir gögn sem notendur veita. Til þess eru notuð tætt samskiptaauðkenni ásamt heimilisfangsupplýsingum; ekki er hvert svið tætt. LinkedIn fær netfang þitt tætt, fornafn og eftirnafn á læsilegu formi þegar það er þekkt og land þitt við kaup. Tæting er kóðun til samsvörunar en gerir gögnin ekki ópersónugreinanleg.
Þegar þú samþykkir vafrakökur tengdar markaðssetningu erum við og Meta Platforms Ireland Limited sameiginlegir ábyrgðaraðilar að því að safna atburðaupplýsingum á vefsíðu okkar með Meta Pixel og Conversions API og senda þær til Meta, í þeim auglýsingatilgangi sem lýst er hér að ofan. Samkvæmt viðauka Meta um ábyrgðaraðila veitum við þessar upplýsingar og Meta annast beiðnir um réttindi þín vegna þeirra gagna sem Meta geymir eftir sendinguna; frekari vinnslu Meta, lagagrundvelli hennar og því hvernig þú neytir réttinda þinna gagnvart Meta er lýst í persónuverndarstefnu Meta.
Rakningarþjónar okkar. Sumir atburðir á vefnum og við kaup fara um netþjóna okkar, sem Abjarna ehf. rekur fyrir okkur með Stape. Þeir geta tekið við atburðaupplýsingum og þekktum samskiptaupplýsingum jafnvel þótt þú hafnir vafrakökum tengdum markaðssetningu. Merkin á netþjónum okkar takmarka áframhaldandi miðlun samskiptaupplýsinga til Google, Meta og LinkedIn samkvæmt vali þínu um Markaðssetningu. Atburðaskrár um mótteknar beiðnir geta innihaldið samskiptaupplýsingar, IP-tölur, vefslóðir og upplýsingar um vafrann og eru geymdar í þrjá daga í núverandi þjónustuleið okkar hjá Stape. Skráning beiðna sem fara út er að jafnaði óvirk. Þessar skrár eru aðskildar frá tæknilegum atburðaskrám appsins fyrir samþykki fyrir miðlun í auglýsingaskyni, sem lýst er annars staðar í þessari stefnu.
Samsvörun og geymsla vafrans. Tættar samsvörunarupplýsingar Meta geta verið geymdar í vafraköku frá eigin netþjóni í allt að 90 daga og í geymslu vafrans þar til þær eru fjarlægðar eða hreinsaðar. Við afturköllun fjarlægja stýringar okkar tilgreindar færslur í vafranum og láta samsvörunarvafraköku netþjónsins renna út þegar síða tilkynnir að Markaðssetning sé ekki leyfð. Meðan þú ert innskráð(ur) getur Stape skráð þekktar viðskiptavina- og kaupupplýsingar tímabundið á læsilegu formi þegar síða hleðst; stýring okkar fjarlægir það geymda eintak þegar Markaðssetning er ekki leyfð. Þetta þýðir ekki að netþjónar okkar hafi aldrei tekið við upplýsingunum eða að síðan hafi aldrei haft þær tímabundið.
Endurheimt vafrakakna. Við notum Stape Cookie Keeper til að hjálpa við að endurheimta leyfðar vafrakökur tengdar tölfræðiupplýsingum og auglýsingum í vöfrum sem stytta líftíma vafrakakna. Auðkenni þess í vafranum er aðeins skráð þegar bæði Tölfræðiupplýsingar og Markaðssetning eru samþykktar og er fjarlægt þegar önnur hvor er afturkölluð. Sumar lotufærslur Shopify haldast þar til þú lokar vafraflipanum. Vafrinn þinn getur stytt líftíma vafrakakna; endurheimt tryggir ekki að vafrakaka haldist allan tilgreindan tímann.
Aðskilið val. Þessir atburðir á vefnum setja þig ekki á viðskiptavinalista okkar í auglýsingaskyni. Til miðlunar viðskiptavinalista þarf sérstakt val eftir kaup eða á síðunni Minn aðgangur. Það val er einnig aðskilið frá markaðspósti. Reiturinn „Kennitala eða fyrirtæki“ og önnur lína heimilisfangs eru ekki send áfram með þeirri vörpun rakningarupplýsinga sem hér er lýst.
Netþjónsvafrakakan _gtmeec og gögn í geymslu vafrans undir gtmeec styðja við þá samsvörun sem lýst er hér að ofan; afrit í vafranum getur verið þar þar til það er fjarlægt eða hreinsað.
Tengilstikan audience_segment getur auðkennt þann markhóp í auglýsingum sem tengist heimsókn; þegar Markaðssetning er leyfð getur vafrakakan okkar _aud_seg geymt markhópsheitið í allt að 90 daga.
Atburðir í kaupferlinu fara í gegnum sérsniðinn pixil Shopify og rakningarþjóna okkar; heimildarstilling pixilsins kemur ekki ein og sér í veg fyrir að Stape taki við þeim áður en valfrjálsar heimildir til samstarfsaðila eru kannaðar.
Ef val um vafrakökur vantar eða er útrunnið getur áður vistað val hjá Shopify enn haft áhrif á vinnslu við ræsingu; þótt afrit í vafra sé fjarlægt eða flokki hafnað eyðir það ekki upplýsingum sem þegar hafa borist.
Sjá persónuverndarupplýsingar Google fyrir fyrirtæki um sjálfstæða notkun Google á fyrirtækjagögnum.
Markhópar í auglýsingum og á samfélagsmiðlum
Við kunnum að birta auglýsingar fyrir fólki sem hefur heimsótt vefsíðuna, átt samskipti við vörulista okkar, síður, færslur eða myndbönd eða líkist gjaldgengum markhópi eða er talið líklegt til að bregðast við á svipaðan hátt; uppruni og heimildir eru aðrar en við sendingu viðskiptavinalista.
Miðlarnir vinna með samskipti samkvæmt eigin skilmálum og vali notenda; Meta styður notkun vörulista og markhópa sem líkjast öðrum (e. lookalike audiences), en tiltæk markhópavirkni LinkedIn er önnur.
Vegna Meta Page Insights erum við og Meta Platforms Ireland Limited sameiginlegir ábyrgðaraðilar að því að búa til atburði og sameina þá í tölfræðiupplýsingar um síður að því marki sem sú vinnsla er ákveðin sameiginlega; Meta annast helstu skyldur um upplýsingagjöf og svör við réttindabeiðnum samkvæmt viðaukanum um ábyrgðaraðila vegna Page Insights.
Hagsmunir okkar af þessum tölfræðiupplýsingum eru að skilja og bæta samskipti við markhópinn okkar; þú getur neytt réttinda þinna gagnvart okkur eða Meta og þetta sameiginlega hlutverk nær ekki til allrar síðari notkunar Meta.
Shopify og aðrir viðtakendur
Shopify hýsir og rekur vefverslunina og vinnur með upplýsingar fyrir okkur, meðal annars í gegnum Shopify Forms, Messaging/tölvupóst, Flow, Bundles, Checkout Blocks, Search & Discovery og vörulistarás Facebook & Instagram þar sem þau eru notuð.
Kveikt er á Shopify Network Intelligence: Shopify sameinar upplýsingar um samskipti við vefverslun okkar, aðra söluaðila og Shopify til að veita aukna virkni, meðal annars sérsniðna þjónustu, vörubætur og auglýsingamiðun.
Shopify ber ábyrgð sem ábyrgðaraðili vegna þessara sjálfstæðu tilganga, meðal annars á réttindabeiðnum; sjá persónuverndarstefnu Shopify fyrir neytendur og persónuverndargátt Shopify.
Shopify-stjórnborðið okkar tilgreinir nú Bandaríkin sem hýsingarstað gagna vefverslunarinnar; þjónustuaðilar geta einnig notað staðsetningar vegna aðstoðar og frekari vinnslu samkvæmt skilmálum sínum.
Abjarna ehf. er vinnsluaðili okkar vegna appsins fyrir samþykki fyrir miðlun í auglýsingaskyni og rakningarþjónanna og notar Microsoft Azure fyrir appið og Stape Europe OÜ sem undirvinnsluaðila vegna rakningar; hýsingar- og efnisdreifingarkeðja Stape nær meðal annars til Scaleway Solutions S.A.S. og Cloudflare, Inc.
Cookiebot, sem Usercentrics A/S veitir, vinnur með val um vafrakökur og sönnun þess fyrir okkar hönd; Microsoft 365 styður tölvupóst og afgreiðslu beiðna og Microsoft Dynamics 365 Business Central styður bókhald þar sem það er notað.
Sufio s.r.o. vinnur með reikningsupplýsingar fyrir okkar hönd og Tevello LLC vinnur með upplýsingar um skráningu, aðgang og námsvirkni til að veita námskeiðakerfi sitt fyrir okkur.
Braintree/PayPal vinnur með greiðslur og er sjálfstæður ábyrgðaraðili vegna greiðsluþjónustu sinnar; Apple Pay og Google Pay fela einnig í sér aðkomu þeirra sem veita viðkomandi greiðsluveski þegar þú velur þau. Sjá persónuverndarupplýsingar PayPal.
Greiðsluaðilinn sem birtist í kaupferlinu vinnur með þær upplýsingar sem þarf fyrir þann greiðslumáta sem þú velur samkvæmt eigin persónuverndarstefnu. Hjá okkur eru einnig í boði Netgíró og Aur frá Kviku banka og Pei frá Greiðslumiðlun ehf..
Ef þú notar Facebook-hóp námskeiðs eða miðil fyrir beina kennslu, svo sem Zoom þegar það er tilgreint fyrir námskeiðið, vinnur sá aðili einnig með aðgangs- og þátttökuupplýsingar þínar samkvæmt eigin skilmálum; við notum þær upplýsingar sem þarf til að halda utan um aðgang þinn og veita námskeiðið.
Syncmatic les og geymir viðskiptavinagögn úr vefversluninni í heild, þar á meðal gögn utan þeirra hópa sem eru valdir fyrir auglýsingar; takmörkun sendinga við viðskiptavini sem hafa samþykkt þær takmarkar ekki þennan undirliggjandi innflutning.
Meginhýsing þess er hjá Google Cloud í Bandaríkjunum, á svæðinu us-central1, og viðbótarlotuvinnsla fer fram á öðrum bandarískum svæðum; undirvinnsluaðilar þess vegna viðkomandi vinnslu eru meðal annars Google Cloud/Workspace og Sentry fyrir tilgreind hlutverk þeirra.
Þjónustuaðilar okkar fá þær upplýsingar sem þarf fyrir þau verkefni sem þeim eru falin, meðal annars hýsingu, tækniaðstoð, greiðslur, þjónustu við viðskiptavini, afhendingu vara, geymslu, bókhald og greiningu; viðtakendum í auglýsingaskyni og aðgreindum hlutverkum þeirra er lýst hér að ofan.
Við miðlum einnig upplýsingum þegar þú gefur okkur fyrirmæli um það, meðal annars í gegnum samþættingu sem þú velur, eða þegar þess þarf vegna lögmæts framsals rekstrar, lagaskyldu, gildrar beiðni stjórnvalds, réttarkröfu eða verndar þjónustu okkar og réttinda fólks.
Önnur félög í samstæðu fá ekki viðskiptavinaupplýsingar eingöngu vegna tengsla sinna við okkur; vinnsluhlutverk Abjarna ehf. hér að ofan er aðskilið frá notkun gagna í eigin markaðsskyni.
Flutningur milli landa
Upplýsingar geta verið geymdar eða aðgengilegar utan þíns lands, þar á meðal utan EES eða Bretlands; þar sem þess er krafist byggist flutningur á viðeigandi ákvörðun um fullnægjandi vernd eða viðeigandi samningsbundnum verndarráðstöfunum, svo sem stöðluðum samningsákvæðum framkvæmdastjórnar ESB og viðeigandi bresku fyrirkomulagi.
Verndarráðstafanir vegna viðskiptavinalista hér að ofan eiga sérstaklega við um þá viðtakendur; Shopify, Microsoft, Tevello, greiðsluaðilar og aðrir þjónustuaðilar hafa eigið fyrirkomulag vegna vinnslu og frekari flutnings.
Þátttaka þjónustuaðila í gagnaverndarrammanum nær ekki til allra félaga eða allrar vinnslu; þú getur óskað eftir upplýsingum um þær verndarráðstafanir sem eiga við um gögnin þín eða afriti af þeim, þó þannig að hlutar þeirra kunni að vera afmáðir þar sem lög heimila.
Hversu lengi upplýsingar eru geymdar
Við geymum upplýsingar um aðganginn þinn og aðgang að vörum meðan þeirra þarf til að veita umsaminn aðgang og upplýsingar um pantanir, aðstoð og ágreining meðan þeirra þarf til að efna samninginn, leysa málið eða uppfylla tiltekna lagaskyldu; síðan eyðum við þeim eða gerum þær ópersónugreinanlegar nema rökstuddur frekari tilgangur eigi við.
Bókhaldsgögn og fylgiskjöl eru almennt varðveitt í sjö ár frá lokum viðkomandi reikningsárs samkvæmt 20. gr. laga nr. 145/1994; þetta er aðskilið frá heimild til markaðssetningar og heldur einstaklingi ekki gjaldgengum fyrir auglýsingar.
Fimm ára mörkin vegna markaðssetningar hér að ofan takmarka notkun en fela ekki í sér loforð um að eyða öllum pöntunum eða aðgöngum eftir fimm ár; lágmarksupplýsingar um útilokun frá sendingum og nauðsynleg sönnun samþykkis geta verið varðveittar til að virða andmæli þín og sýna fram á fyrra val.
Samþykkisskrá Cookiebot geymir hluta IP-tölu, upplýsingar um vafra, lénið, tíma samþykkis og samþykkislykil; Cookiebot eyðir einstökum samþykkisfærslum eftir 12 mánuði samkvæmt þjónustuskilmálum sínum.
Atburðaskrár appsins fyrir samþykki fyrir miðlun í auglýsingaskyni hjá Azure hafa 30 daga geymslutíma, núverandi atburðaskrár Stape um mótteknar rakningarbeiðnir hafa þriggja daga geymslutíma og geymslutími einstakra vafrakakna og gagna í geymslu vafra kemur fram í Vafrakökustillingum; þessi tímabil eiga við um ólík gögn.
Samþykkt varðveisluáætlun Syncmatic felur í sér sjö daga eyðingarreglu fyrir skyndimyndir og síðan sjö daga tímabil þar sem hægt er að endurheimta þær, með ósamstilltri framkvæmd eyðingarreglna; eyða skal tímabundnum afritum sem hægt er að endurheimta og falla undir áætlunina innan 30 daga frá viðeigandi fyrirmælum um eyðingu.
Virkum gögnum sem falla undir áætlunina er skilað eða eytt innan 30 daga frá viðeigandi fyrirmælum eða lokum þjónustu og öryggisafrit sem hægt er að endurheimta renna út innan 30 daga til viðbótar eftir eyðingu virkra gagna; þetta eru aðskildir frestir.
Í áætluninni er gerður greinarmunur á almennum skýjaatburðaskrám (30 dagar), áskildum úttektarskrám kerfisins (400 dagar), samskiptum vegna persónuverndar eða aðstoðar (allt að 12 mánuðir eftir lok máls ef þeirra er enn þörf) og ónauðsynlegum auðkennum viðskiptavina eða staðbundnum útflutningsskrám (almennt fjarlægðum innan 30 daga samkvæmt viðeigandi fyrirmælum).
Eyðingarferli Google Cloud á þjónustuaðilastigi getur tekið allt að 180 daga eftir gild fyrirmæli; það framlengir ekki fresti Syncmatic vegna gagna sem það hefur sjálft aðgang að og tilgreina þarf eftirstandandi afrit hjá þjónustuaðila eða lögmæta varðveislu í stað þess að segja gögnunum þegar eytt.
Sum vinna vegna réttinda og eyðingar hjá Syncmatic krefst handvirkra fyrirmæla; sjálfvirk móttökustaðfesting eða fjarlæging af auglýsingalista sannar ekki að öllum skyndimyndum, öryggisafritum eða eldri afritum hafi verið eytt.
Öryggi og aðrar vefsíður
Við notum viðeigandi ráðstafanir til að vernda upplýsingar en ekkert kerfi eða sending er fullkomlega örugg; vinsamlegast sendu ekki viðkvæmar upplýsingar eftir óöruggri leið og gættu innskráningarupplýsinga þinna.
Tenglar á vefsíður þriðju aðila, samfélagsmiðla eða samþættingar fela ekki einir og sér í sér meðmæli með efni þeirra, eigendum eða rekstraraðilum eða að persónuvernd og öryggi þeirra séu undir okkar stjórn; við ábyrgjumst ekki öryggi þeirra eða að efni þeirra sé rétt, fullkomið eða áreiðanlegt. Kynntu þér skilmála þeirra áður en þú miðlar upplýsingum þar.
Upplýsingar sem þú birtir á opnum eða sameiginlegum svæðum, þar á meðal í samfélagsmiðlahópum, geta verið sýnilegar öðrum og þeir geta notað þær.
Réttindi þín og val
Með fyrirvara um skilyrði og undantekningar í gildandi lögum getur þú óskað eftir aðgangi og afriti, leiðréttingu, eyðingu, takmörkun vinnslu og því að flytja eigin gögn, þar á meðal til annars ábyrgðaraðila eftir því sem við á, og andmælt vinnslu sem byggist á lögmætum hagsmunum.
Þú getur hvenær sem er andmælt beinni markaðssetningu og tengdri gerð persónusniðs án þess að gefa upp ástæðu; þá hættum við þeirri beinu markaðssetningu.
Þú getur hvenær sem er afturkallað samþykki fyrir viðkomandi tilgangi án þess að það hafi áhrif á lögmæti fyrri vinnslu sem byggðist á samþykki; afturköllun markaðssamþykkis stöðvar ekki nauðsynleg skilaboð um pantanir eða aðganga.
Eftir því hvar þú ert gætir þú einnig átt rétt á að hafna sölu, miðlun eða markvissum auglýsingum eins og þau hugtök eru skilgreind í staðbundnum lögum og að kæra ákvörðun um persónuverndarbeiðni.
Notaðu viðeigandi stillingu í aðgangi eða Vafrakökustillingum, afskráningartengil í tölvupósti eða hafðu samband á persónuverndarnetfangið hér að ofan; þú getur einnig notað persónuverndargátt Shopify vegna eigin vinnslu þess.
Við gætum þurft að sannreyna deili á þér með hóflegum hætti eða fá sönnun þess að umboðsmaður hafi heimild til að koma fram fyrir þína hönd; við mismunum þér ekki fyrir að neyta réttinda þinna.
Við svörum almennt innan eins mánaðar samkvæmt almennu persónuverndarreglugerðinni; ef framlenging er heimil útskýrum við hana og ástæðu hennar innan þess mánaðar og ef beiðni er hafnað útskýrum við tiltækar leiðir til kvörtunar eða endurskoðunar.
Þú getur kvartað til Persónuverndar eða annars lögbærs eftirlitsaðila, meðal annars í búsetu- eða starfslandi þínu innan EES; yfirlit EDPB sýnir eftirlitsaðila innan EES.
Börn og breytingar á stefnunni
Vörur okkar eru ætlaðar fullorðnum og engin námskeið fyrir yngri en 18 ára eru fyrirhuguð. Við söfnum ekki vísvitandi persónuupplýsingum frá börnum sem hafa ekki náð þeim lögræðisaldri sem gildir um þau; foreldri eða forráðamaður getur haft samband og óskað eftir eyðingu ef barn hefur veitt upplýsingar.
Við seljum eða miðlum ekki vísvitandi persónuupplýsingum fólks undir 16 ára aldri vegna markvissra auglýsinga eins og þau hugtök eru skilgreind í gildandi lögum.
Við uppfærum þessa stefnu þegar starfshættir, lagakröfur eða rekstur breytast, birtum endurskoðaða útgáfu með uppfærðri dagsetningu og veitum frekari tilkynningu eftir því sem lög krefjast.